प्रधानमन्त्री उद्धार कोषमा व्यास नगरपालिकाको २१ लाख सहयोग

भदौ १० गतेको विनाशकारी बाढी तथा पहिरोबाट प्रभावित भएकाहरूको उद्धार, राहत तथा पुनःस्थापनका लागि तनहुँको व्यास नगरपालिकाले २१ लाख ३९ हजार ५६५ रुपियाँ सहयोग गरेको छ ।

नगरपालिकाले प्रधानमन्त्री दैवी प्रकोप उद्धार कोषमा सो रकम सहयोग गरेको हो । नगरपालिकाको विपद् पुनःस्थापन कोषबाट पाँच लाख ५१ हजार रुपियाँ र जनप्रतिनिधि तथा कर्मचारीको पारिश्रमिकबाट १५ लाख ८८ हजार ५६५ रुपियाँ उद्धार कोषमा जम्मा गरिएको नगरपालिकाका प्रमुख प्रशासकीय अधिकृत सुकदेव लम्सालले जानकारी दिनुभयो ।