ह्वाइट हाउस बाहिर गोली चलाउने व्यक्तिको पहिचान खुल्यो, ट्रम्पले के भने ?

अमेरिकाको वासिङटनस्थित ह्वाइट हाउस बाहिर शनिबार साँझ भएको गोलीकाण्डमा मारिएका संदिग्धको पहिचान भएको छ। उनी २१ वर्षीय नासिरे बेस्ट हुन्, जो मेरिल्यान्ड राज्यका बासिन्दा थिए। विभिन्न सञ्चार माध्यमले यो पुष्टि गरेका छन्।

स्रोतका अनुसार संदिग्ध बेस्टलाई अमेरिकी सिक्रेट सर्भिसले सन् २०२५ को जुलाईमा ह्वाइट हाउस प्रवेश गर्न खोज्दा पक्राउ गरेको थियो। त्यसअघि जुन महिनामा उनले ह्वाइट हाउस नजिकै यातायात अवरुद्ध गरेका थिए। ‘म ईश्वर हुँ’ भन्दै बेतुका कुरा गरेका थिए। मानसिक स्वास्थ्य समस्या भएका कारण उनलाई मनोरोग अस्पतालमा पठाइएको थियो। अदालतले उनलाई ह्वाइट हाउसबाट टाढा रहन आदेश दिएको थियो।