भोटेकोशी बाढीलाई ‘नाटक’ भनेपछि आलोचित शशी थरुरले दिए स्पष्टीकरण

रसुवाको भोटेकोशी क्षेत्रमा आएको बाढीलाई सामाजिक सञ्जालमा ‘नाटक’ भनेपछि आलोचित भारतीय कांग्रेस नेता शशी थरुरले स्पष्टीकरण दिएका छन्।

उनले आफूले ‘नाटक’ शब्द बाढीबाट भएको क्षतिको गम्भीरता कम गर्न प्रयोग नगरेको बताएका छन्। शुक्रबार एक्समा पोस्ट गर्दै थरुरले ‘नाटक’ शब्द आफूले ‘तीव्र रूपमा भिडन्त गर्ने शक्तिहरू संलग्न भएको अवस्था वा घटनाक्रम’ भन्ने अर्थमा प्रयोग गरेको बताएका हुन्।