विन्डोज ११ को एउटै फाइलले ५०० जीबीसम्म स्टोरेज खाइदिने, तपाईंको कम्प्युटरमा पनि यस्तै त छैन ?

काठमाडौं । तपाईंको विन्डोज ११ कम्प्युटरमा धेरै फाइल वा एप नहुँदा पनि स्टोरेज सकिएको मेसेज देखिएको छ ? यदि छ भने यसको कारण माइक्रोसफ्टको एउटा बगसँग सम्बन्धित हुन सक्छ ।

माइक्रोसफ्टका अनुसार विन्डोज ११ मा देखा परेको एउटा ‘सिस्टम बग’ अर्थात सिस्टममा भएको कमजोरीका कारण प्रयोगकर्ताले यो समस्या भोगिरहेका छन् । यो समस्या विन्डोजको ‘एप पर्मिसन’सँग सम्बन्धित ‘क्यापाबिलिटी एक्सेस म्यानेजर’ नामको सेवासँग जोडिएको छ । यसले मुख्य रूपमा क्यामेरा, माइक्रोफोन, लोकेसन र स्क्रिन क्याप्चर जस्ता फिचरको गोपनीयता र ‘लग रेकर्ड’ राख्ने काम गर्छ ।