नक्कली भुटानी शरणार्थी प्रकरणमा अदालतको फैसला स्वागतयोग्य, थप अनुसन्धान अघि बढाउन नारायणकाजीको आग्रह

काठमाडौँ । नेपाली कम्युनिस्ट पार्टी (नेकपा) का नेता नारायणकाजी श्रेष्ठले नक्कली भुटानी शरणार्थी प्रकरणमा काठमाडौँ जिल्ला अदालतले सुनाएको फैसलालाई स्वागत गर्दै बाँकी शंकास्पद व्यक्तिहरूमाथि पनि थप अनुसन्धान अघि बढाउन सरकारसँग आग्रह गरेका छन्।

सामाजिक सञ्जाल फेसबुकमा बुधबार स्टाटस लेख्दै नेता श्रेष्ठले आफू उपप्रधानमन्त्री तथा गृहमन्त्री रहेका बेला केन्द्रीय अनुसन्धान ब्यूरो (सीआईबी) ले उक्त प्रकरणमा गम्भीर अनुसन्धान गरी मुद्दा दायर गरेको स्मरण गर्दै अदालतको पछिल्लो फैसला राष्ट्रको छवि नै धमिल्याउने घटनालाई निष्कर्षतर्फ पुर्‍याउने महत्वपूर्ण कदम भएको बताए।