च्याम्पियन्स लिग : हालान्डको २ गोल, सिटीको जित

काठमाडौँ- च्याम्पियन्स लिगमा इंग्लिस टिम म्यानचेस्टर सिटीले सहज जित हात पारेको छ। गएरातिको खेलमा पोर्टोलाई २-० गोल अन्तरले हराउँदै सिटीले जित सुरुवात गरेको हो। सिटीको जितमा एर्लिङ हालान्डले दुई गोल गरे। पहिलो जितसँगै सिटी ३ अंकमा तालिकाको शीर्ष स्थानमा रह्यो।

पहिलो हाफ गोलरहित बराबरी भएको खेलमा दोस्रो हाफमा मात्र सिटीले २ गोल फर्कायो। खेलको ४७ औँ मिनेटमा हालान्डको गोलमा सिटीले सुरुवाती अग्रता बनाएको थियो। खेलको इन्ज्युरी समयमा हालान्डले व्यक्तीगत दोस्रो गोल गर्दै च्याम्पियन्स लिगमा सिटीलाई सानदार जित दिलाए।