पहिचान नभएका सयौँ शव, हजारौँ सम्पर्कविहीन र अस्पष्ट तथ्याङ्क : मानव क्षतिको वास्तविक आकार 'महिनौँ थाहा नहुन सक्छ'

रसुवा बाढीको दुई साता नाघिसक्दा अधिकारीहरूले मानवीय क्षतिको प्रस्ट आकार थाहा पाउन "तत्काल सम्भव नहुने" र "पहिचान र पुष्टिको काम वर्षौँ चल्ने" देखिएको बीबीसीलाई बताएका छन्।

"हराएकाको यथार्थ तथ्याङ्क अझै हामीसँग छैन। त्यसबाहेक कतिपय शवहरू कहिल्यै फेला नपर्न पनि सक्छन्," नेपाल प्रहरीका केन्द्रीय प्रवक्ता अबि नारायण काफ्लेले भने।