५ इरानी तेल ट्याङ्करमाथि अमेरिकाको आक्रमणपछि इरानद्वारा जोर्डनमाथि जवाफी हमला

काठमाडौं : मध्यपूर्वमा अमेरिका र इरानबीचको सैन्य द्वन्द्व थप उत्कर्षमा पुगेको छ। पछिल्लो दुई दिनमा अमेरिकी युद्धपोतमाथि लगातार दुई पटक आक्रमण भएपछि अमेरिकी सेन्ट्रल कमाण्ड (सेन्टकम) ले कडा जवाफी कारबाही गर्दै इरानका पाँच वटा कच्चा तेल बोक्ने ट्याङ्करहरू ध्वस्त पारिदिएको जनाएको छ।

सेन्टकमका अनुसार ओमानको खाडीमा रहेका चार वटा तेल ट्याङ्कर इरानको 'इस्लामिक रिभोलुसनरी गार्ड्स कर्प्स' (आइआरजीसी) सँग प्रत्यक्ष सम्बन्धित थिए। बाँकी एक ट्याङ्करलाई भने इरानको प्रमुख तेल निर्यात केन्द्र मानिने खार्ग द्वीप नजिकै निशाना बनाइएको थियो।