प्राकृतिक विपत्ति वित्तीय संकटमा परिणत हुनु हुँदैन

नेपाल र तिब्बतमा आएको विनाशकारी बाढीले प्राकृतिक विपत्तिबाट उत्पन्न हुने शृंखलाबद्ध आर्थिक असरको सामना गर्न पूर्व व्यवस्थित विपद् जोखिम वित्तीय व्यवस्थाको आवश्यकता फेरि एकपटक उजागर गरेको छ। अर्को संकट आउनुअघि नै एसियाका नीति निर्माताले आर्थिक रूपमा कमजोर नेपाललाई सहयोग गर्न र अन्य देशहरूको उत्थानशीलता बलियो बनाउन अहिले नै कदम चाल्नुपर्छ।

नेपालमा आएको विनाशकारी बाढीले जलवायु परिवर्तनबाट हुने मानवीय तथा आर्थिक क्षति फेरि एकपटक स्पष्ट पारेको छ। तत्कालको प्राथमिकता जीवन बचाउनु र प्रभावित समुदायलाई सहयोग गर्नु हुनुपर्छ तर यस महाविनाशले भौतिक र प्राकृतिक जोखिमहरू कसरी तत्कालै बृहत् आर्थिक झट्कामा परिणत हुन सक्छन् भन्ने कुरा पनि मुखरित गरेको छ।