एडीबीका अध्यक्ष कान्डासँग बालेनको भेटले अन्य कूटनीतिज्ञसँग भेटवार्ताको बाटो खुलेको हो ?

काठमाडौँ । प्रधानमन्त्री वालेन्द्र शाह (बालेन)ले सरकारको नेतृत्व गरेसँगै विदेशी कूटनीतिज्ञसँग सामुहिकबाहेक एकल भेटवार्ता नगर्ने आफ्नो अडानमा लचकता देखाएका छन् । उनले एसियाली विकास बैंक (एडीबी) का अध्यक्ष मासातो कान्डासँग भेटवार्ता गर्दै आफ्नो अडान तोडे ।

यसअघि उनले कूटनीतिक नियोगका प्रमुख तथा प्रतिनिधिहरूसँग दुई पटक सामूहिक भेट गरेका छन् । अमेरिका, चीन तथा भारतबाट आएका तथा आउने प्रतिनिधिहरूसँग उनले भेट्न इन्कार गरेका थिए ।