झिंगे दाउ २ : केकी र आँचलको

आगामी असोज २ गते रिलिजमा आउने फिल्म झिंगे दाउ २ ले तीजको माहोललाई लक्षित गर्दै केकी अधिकारी र आँचल शर्माको जेठानी–देउरानी भिडन्तलाई पर्दामा उतारेको छ। फिल्मको ७ मिनेट लामो तीज गीत जेठानी भर्सेस देउरानी सार्वजनिक गरिएको छ।

ओएसआर डिजिटलबाट सार्वजनिक गीतको भिडियोमा केकी र आँचलबीचको झगडा प्रस्तुत गरिएको छ। फिल्ममा केकी जेठानी र आँचल देउरानीको भूमिकामा छन्। घरायसी सम्बन्धमा देखिने नोकझोक, आरोप–प्रत्यारोप र दुई पात्रबीचको टकरावलाई गीतमार्फत मनोरञ्जनात्मक शैलीमा प्रस्तुत गरिएको छ।