ओलीको दाबी– ‘भदौ २४ को हिंसा योजनाबद्ध षड्यन्त्र’

काठमाडौं ।

नेकपा (एमाले) अध्यक्ष केपी शर्मा ओलीले भदौ २४ गते भएको हिंसा तथा विध्वंस अघिल्लो दिन युवाको मृत्युबाट उत्पन्न आक्रोशको स्वाभाविक परिणाम नभई लोकतान्त्रिक प्रणाली उल्ट्याउने योजनाबद्ध षड्यन्त्र भएको दाबी गर्नुभएको छ। भदौ २४ को घटनाको एक वर्ष पूरा भएको अवसरमा जारी प्रेस वक्तव्यमा अध्यक्ष ओलीले राष्ट्रपति भवन, प्रधानमन्त्री निवास, सिंहदरबार, संसद् भवन, सर्वोच्च अदालत, राजनीतिक दलका कार्यालय तथा सार्वजनिक–निजी सम्पत्तिमाथि भएको आगजनी र आक्रमणलाई नेपालको इतिहासकै ‘कालो अध्याय’को संज्ञा दिनुभएको छ।