सिभिल अस्पतालमा औषधि खरिदमा अनियमितता: ८ कर्मचारीविरुद्ध झन्डै ३ करोडको भ्रष्टाचार मुद्दा

काठमाडौं- अख्तियार दुरुपयोग अनुसन्धान आयोगले औषधि खरीदमा भ्रष्टाचार गरेको भन्दै निजामती कर्मचारी अस्पतालका आठ जना कर्मचारीविरुद्ध विशेष अदालतमा आरोपत्र दायर गरेको छ।

अख्तियारले अस्पतालको फार्मेसी शाखामा काम गर्ने आठ जनालाई २ करोड ९१ लाख ३४ हजार ५४७ रुपैयाँ ३७ पैसा बराबरको सार्वजनिक सम्पत्ति हानी–नोक्सानी पुर्‍याएको भन्दै विशेष अदालतमा आरोपपत्र दायर गरेको हो।