सेक्सटोर्सनमा परेका एक युवकले त्यसैलाई बनाए आफ्नो धन्दा, ठगिए पूर्व मन्त्रीसहित ४०० जना

काठमाडौं । टिकटकमा सुन्दर देखिने युवतीको आईडीबाट ‘हाई’ भन्दै एउटा मेसेज आउँछ । कुराकानीकै क्रममा ह्वाट्सएप नम्बर मागिन्छ । अनि ह्वाट्सएपमा तुरुन्तै भिडिओ कल आउँछ र अनि सुरु हुन्छ, एउटा ब्ल्याकमेलिङको शृङ्खला, जसले पीडितलाई आफ्नो इज्जत जोगाउन पैसा सुम्पिनुबाहेक अर्को विकल्प बाँकी राख्दैन ।

नेपालमा पछिल्लो समय प्रविधिको दुरुपयोग गरी गरिने ‘सेक्सटोर्सन’ (यौनजन्य ब्ल्याकमेलिङ) का घटना कसरी डरलाग्दो रूपमा बढिरहेका छन् भन्ने एउटा प्रतिनिधिमूलक घटना हालै सार्वजनिक भएको छ ।