क्यानका अध्यक्षप्रति पद दुरुपयोगको मुद्दा, राखेपले माग्यो पाँच दिनभित्र जवाफ

काठमाडौं : नेपाल क्रिकेट संघ (क्यान) का अध्यक्ष चतुरबहादुर चन्दविरुद्ध पद दुरुपयोगको मुद्दा दर्ता भएको छ । क्यानका अध्यक्ष चन्दमाथि २०८३ वैशाख १६ गते अख्तियार दुरुपयोग अनुसन्धान आयोगमा पद दुरुपयोगसम्बन्धी मुद्दा दर्ता भएको थियो ।

आयोगले सोही मुद्दालाई वैशाख २९ मा युवा तथा खेलकुद मन्त्रालयलाई पठाएको थियो । यहि विषयलाई मन्त्रालयले वैशाख ३१ मा राखेपलाई १० दिनभित्र जवाफ माग गरेर पठाएको हो । राखेपले क्यानका अध्यक्षमाथि लागेका सम्पूर्ण आरोपलाई उल्लेख गर्दै उक्त विषयमा जवाफ पठाउन क्यानमा पत्रचार गरेको हो ।