सभामुखबाट छानबिन प्रतिवेदन कार्यान्वयनका लागि संसद् सचिवालयलाई प्राप्त

प्रतिनिधि सभाको गत जेठ १७ गतेकाे बैठकमा उत्पन्न परिस्थितिसम्बन्धी छानबिन समितिको प्रतिवेदन आवश्यक कार्यान्वयनका लागि सङ्घीय संसद् सचिवालयलाई प्राप्त भएको छ।

सङ्घीय संसद् सचिवालयले बुधबार जारी गरेको प्रेस विज्ञप्तिअनुसार प्रतिनिधि सभाको २०८३ साल जेठ १७ गतेको बैठकमा उत्पन्न परिस्थितिका सम्बन्धमा सभामुख डाेलप्रसाद अर्याललाई प्राप्त जानकारी र जेठ १८ गते तयार गरिएको मुचुल्काका आधारमा थप जाँचबुझ गर्न सात दिनको समयसीमा तोकी समिति गठन गरिएको थियो।