तेहरानसँगको वार्ता ‘समयको बर्बादी’, आज राति थप कडा आक्रमण गर्नेछौं : ट्रम्प

अमेरिकी राष्ट्रपति डोनाल्ड ट्रम्पले अघिल्लो दिनको आक्रमणपछि इरानमाथि थप आक्रमण गर्ने सम्भावना रहेको बताएका छन्।

टर्कीमा जारी नेटो शिखर सम्मेलनमा युक्रेनी राष्ट्रपति भोलोदिमिर जेलेन्स्कीसँगको भेटअघि पत्रकारहरूसँग कुरा गर्दै उनले भने, 'म एउटा सानो चेतावनी दिन्छु: हामी आज राति उनीहरूलाई कडा प्रहार गर्नेछौं।' ट्रम्पले इरानसँगको युद्धविराम सम्झौता 'समाप्त' भएको र तेहरानसँगको वार्ता 'समयको बर्बादी' मात्र भएको बताएका छन्। इरानमाथिको सैन्य आक्रमणको 'ठूलो प्रभाव' परेको दाबी गर्दै ट्रम्पले खामेनीको अन्त्येष्टिमा अमेरिकी हमलाको डरले इरानी नेताहरू चिन्तित बनेको बताए। साथै, उनले अमेरिकाले इरानमाथि पुनः नाकाबन्दी लगाउन सक्ने संकेत समेत गरेका छन्।