एजेन्ट संघ, सिद्धार्थनगर रुपन्देहीले समस्याले भैरहवा भन्सार प्रभावित, तत्काल सुधार गर्न माग

नेपाल भन्सार एजेन्ट संघ, सिद्धार्थनगर रुपन्देहीले भन्सार विभागलाई पत्र पठाउँदै एसिकुडा वर्ल्ड सिस्टम (Asycuda World System) मा देखिएको प्राविधिक समस्याका कारण भन्सार सेवा प्रभावित भएको भन्दै तत्काल सुधारको माग गरेको छ।

संघका अध्यक्ष मधु प्रसाद पुरीद्वारा हस्ताक्षरित पत्रमा सन् २०१७ देखि लागू गरिएको एसिकुडा प्रणालीमा पटक–पटक समस्या देखिँदै आएको र यसबारे धेरै पटक लिखित तथा मौखिक रूपमा ध्यानाकर्षण गराउँदा पनि सुधार नभएको उल्लेख गरिएको छ।