बागलुङका ६ हजार ९४४ हेक्टर खेतीयोग्य जमिनमा सिँचाइ सुविधा, कार्यान्वयन हुन सकेनन् सात योजना

बागलुङ जिल्लामा ६ हजार ९४४ हेक्टर खेतीयोग्य जमिनमा सिँचाइ सुविधा पुगेको छ। जलस्रोत तथा सिँचाइ विकास डिभिजन कार्यालय, बागलुङ का अनुसार यो तथ्यांक गत चैत मसान्तसम्मको हो। चैतपछि कार्यान्वयनमा गएका योजनाको अद्यावधिक विवरण आउन बाँकी रहेको कार्यालयले जनाएको छ।

कार्यालयका अधिकृत बाबुराम आचार्य का अनुसार चालु आर्थिक वर्षमा ११४ वटा सिँचाइ योजना स्वीकृत भएका थिए। तीमध्ये १०७ वटा योजना कार्यान्वयनमा गइसकेका छन् भने ७ वटा योजना विभिन्न कारणले कार्यान्वयन हुन सकेनन्।