पीसीएएफ (PCAF) मा आवद्ध भयो कुमारी बैंक: कार्बन उत्सर्जन मापन र दिगो बैंकिङमा जोड

काठमाडौं- कुमारी बैंक लिमिटेड अन्तर्राष्ट्रिय संस्था ‘पार्टनरसिप फर कार्बन एकाउन्टिङ फाइनान्सियल्स’ (PCAF) मा आवद्ध भएको छ। बैंकले जिम्मेवार बैंकिङ, जलवायु कार्य तथा आफ्ना वित्तीय गतिविधिबाट हुने हरितगृह ग्याँस उत्सर्जनलाई बुझ्न र व्यवस्थापन गर्न थप पारदर्शिता दर्शाउँदै PCAF मा सदस्यता लिएको हो।

PCAF को सदस्य बनेसँगै कुमारी बैंकले आफ्ना ऋण तथा लगानीबाट हुने हरितगृह ग्याँस उत्सर्जनको मापन र सार्वजनिक रूपमा प्रकाशन गर्न अन्तर्राष्ट्रिय मान्यता प्राप्त मापदण्ड तथा विधिहरू प्रयोग गर्नेछ। यो पहलले बैंकको जलवायु सम्बन्धी तथ्याङ्क, जोखिम व्यवस्थापन र दिगो वित्त सम्बन्धी अभ्यासलाई अझ सुदृढ बनाउन महत्वपूर्ण भूमिका खेल्ने बैंकले जनाएको छ।