५ दिने अल्टिमेटम राखेर क्यानसँग राखेपले माग्यो अनियमितताको फेहरिस्त

काठमाडौँ । राष्ट्रिय खेलकुद परिषद् (राखेप) ले नेपाल क्रिकेट संघ (क्यान) का पदाधिकारीहरूमाथि लागेका गम्भीर आर्थिक तथा प्रशासनिक अनियमितताका आरोपबारे छानबिन सुरु गरेको छ ।

राखेपले क्यानलाई पत्र पठाउँदै ५ दिनभित्र चित्तबुझ्दो जवाफ र सम्बन्धित कागजातहरू पेस गर्न निर्देशन दिएको छ । अख्तियार दुरुपयोग अनुसन्धान आयोगमा परेको उजुरीका आधारमा युवा तथा खेलकुद मन्त्रालयको निर्देशनपछि राखेपले यो कदम चालेको हो ।