धान काट्न बाजुराका महिलालाई चटारो

बाजुराका महिलालाई धान काट्ने चटारो परेको छ। यहाँ वर्षमा दुई पटक धान खेती गरिन्छ। पहिलोपटक चैत–वैशाखमा र दोस्रोपटक असारमा धान रोप्ने गरिन्छ।

यतिबेला चैत–वैशाखमा पाखो जमिनमा लगाइएको धान पाकेर पहेँलिएको छ। तर, दिनानुदिन पानी परिरहेकाले पाकेको धान कसरी घरमा भित्र्याउने भन्ने चिन्ता किसानलाई परेको छ। धानसँगै परालसमेत सुरक्षित राख्नुपर्ने भएकाले उनीहरू थप चिन्तित छन्।