कालीमाटी-बल्खु क्षेत्रमा यात्रु ठग्ने र हैरानी दिने ३५ जना नियन्त्रणमा

काठमाडौं- उपत्यकाका कालीमाटी र बल्खु क्षेत्रमा यात्रुहरूलाई अनावश्यक रूपमा झम्टिने, बढी भाडा माग्ने तथा बार्गेनिङ गरी अस्वाभाविक रकम असुल्ने गतिविधिमा संलग्न ३५ जनालाई प्रहरीले नियन्त्रणमा लिएको छ ।

उपत्यका ट्राफिक प्रहरी कार्यालयले बुधवार बिहान विशेष अभियान सञ्चालन गर्दै उनीहरूलाई पक्राउ गरेको हो । काउन्टर वरिपरि सक्रिय रहेका ती व्यक्तिहरूले बल्खु हुँदै बाहिरिने यात्रुहरूलाई लक्षित गरी लामो समयदेखि हैरानी दिने गरेको पाइएको प्रहरीले जनाएको छ ।