रेडक्रस चिह्न, सवारीसाधन र एम्बुलेन्सको दुरुपयोग गरे कारबाही

काठमाडौँ। नेपाल रेडक्रसका पदाधिकारी, सदस्य तथा कर्मचारीले रेडक्रस चिह्न अंकित सवारीसाधन, एम्बुलेन्स र चिह्नको दुरुपयोग वा अनधिकृत प्रयोग गरेको पाइए कारबाही हुने भएको छ।

रेडक्रस केन्द्रीय कार्यालयले सर्कुलर जारी गर्दै संस्थाको अनुरोधलाई बेवास्ता गरी दुरुपयोग गरेको पाइए प्रचलित विधान, नियमावली तथा आचारसंहिताबमोजिम कारबाही हुने केन्द्रीय तदर्थ कार्यसमिति अध्यक्ष विशाल भण्डारीले बताए।