एक दिनमा तीन बैठक बसेर लुम्बिनीको बजेट बहुमतबाट पारित

रुपन्देही । बुधबार एकै दिनमा तीन वटा बैठक बसेर लुम्बिनी प्रदेश सरकारको बजेट बहुमतबाट पारित गरिएको छ । लुम्बिनी प्रदेश सभाबाट प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक बहुमतले पारित गरेसँगै बजेट पारित भएको हो ।

प्रदेशसभाको आठौँ अधिवेशनअन्तर्गत बुधबार १६ औँ, १७ औँ र १८ औँ बैठक बसेको हो । प्रदेश सरकारले आगामी आर्थिक वर्षका लागि कुल ३७ अर्ब ३८ करोड ४५ लाख रुपैयाँ बराबरको बजेट ल्याएको थियो ।