फोटो स्टुडियोलाई ‘प्रशासन कार्यालय’ बनाएर नक्कली नागरिकता : ठगीमा संलग्न दुई पक्राउ

विराटनगरमा नक्कली नागरिकता बनाइदिने गिरोहलाई प्रहरीले पक्राउ गरेको छ। पक्राउ परेकाहरूले विराटनगरको एक फोटो स्टुडियोलाई ‘प्रशासन कार्यालय’ बनाएर ‘नेपाली नागरिकता’ नक्कली बनाई मोटो रकम लिने गरेको खुलेको हो।

विराटनगरकी एक ३० वर्षीया महिला र उनको मामाको नागरिकता बनाइदिएपछि नक्कली नागरिकता बनाइदिने व्यक्ति र स्थान प्रहरीले फेला पारेको हो। आर्थिक अवस्था कमजोर भएकी २ सन्तानकी आमा मनिषा कामत (पीडित महिला) र उनको मामाको कसरी छिटो नागरिकता बनाएर ‘नागरिक बन्ने’ भन्ने थियो। तर, सरकारी प्रक्रियाको अज्ञानता र ‘छिटो काम हुने’ प्रलोभनका कारण उनी यस्तो गिरोहको फन्दामा परे, जसले एउटा फोटो स्टुडियोलाई नै ‘नक्कली प्रशासन कार्यालय’ बनाएर उनलाई ठगी गर्‍यो।