सार्वजनिक सवारीमा हुने अपराध, दुर्घटना र यात्रुको सुरक्षालाई मध्यनजर गर्दै सरकारले ट्याक्सी

सार्वजनिक सवारीमा हुने अपराध, दुर्घटना र यात्रुको सुरक्षालाई मध्यनजर गर्दै सरकारले ट्याक्सी, टेम्पो, माइक्रोबसदेखि ठूला बससम्म CCTV अनिवार्य गर्ने कडा व्यवस्था लागू गरेको छ।

हालसम्म १६० सार्वजनिक बसमा CCTV र ड्यासक्याम जडान भइसकेको छ भने अब सबै सार्वजनिक सवारीमा क्रमशः यो व्यवस्था लागू गरिनेछ। नयाँ मापदण्डअनुसार सार्वजनिक सवारीमा CCTV, ड्यासक्याम, GPS, चालक निगरानी प्रणाली, SOS बटन, अग्नि नियन्त्रक र प्राथमिक उपचार किट अनिवार्य हुनेछ। सबैभन्दा कडा पक्ष चाहिँ के छ भने तोकिएका उपकरण जडान नगर्ने सवारी जाँचपासमा फेल हुने, रुट इजाजत नपाउने र आवश्यक परे रुट परमिटसमेत रद्द हुन सक्ने व्यवस्था गरिएको छ।