टीएस इलिअटको म्याकाभिटी र नेपाली राजनीतिमा हराएको उत्तरदायित्व

टीएस इलिअटको प्रसिद्ध कविता ‘मेकाभिटीः द मिस्ट्री क्याट’ पहिलो दृष्टिमा एउटा रहस्यमय बिरालोको कथा जस्तो देखिन्छ । तर गहिरिएर पढ्दा यो सत्ता, छल, कानुनी संरचनाको कमजोरी, उत्तरदायित्वबाट पलायन र दण्डहीनतामाथिको तीक्ष्ण व्यङ्ग्यका रूपमा उभिन्छ ।

कविताको सबैभन्दा चर्चित पङ्क्ति, ‘मेकाभिटि इज नट देयर’ केवल काल्पनिक पात्रको वर्णन होइन, यो घटना र परिणामको छायामा उपस्थित भएर पनि उत्तरदायित्वको क्षणमा अदृश्य हुने शक्ति संरचनाको प्रतीक हो ।