खोलाले बगाउँदा किशोर सम्पर्कविहीन, खोजी जारी

बाजुरा। खोलाले बगाउँदा बाजुरामा एक किशोर सम्पर्कविहीन भएका छन्। जगन्नाथ गाउँपालिका–३ अन्दाजी १६–१७ वर्षीय अनुज सिंह खोला तर्ने क्रममा बगेर सम्पर्कविहीन भएका हुन्।

जिल्ला प्रहरी कार्यालयका सूचना अधिकारी गगनसिंह भाटका अनुसार मंगलबार दिउँसो बाख्रा चराउन गएका किशोर सोही ठाउँको कालसिङ्गे खोला तर्ने क्रममा बगेर बेपत्ता भएका हुन्। घटनाबारे स्थानीय खडक भण्डारीले प्रहरी चौकी जुड्डीमा जानकारी गराएका थिए।