व्यवस्था ढल्यो, अवस्था कहिले फेरिने ? जेन्जी विद्रोहपछिको एक वर्ष र बाँकी चुनौती

काठमाडौँ। गत वर्ष आजकै दिन अर्थात् २०८२ भदौ २३ गते काठमाडौँको माइतीघर मण्डलाबाट सुरु भएको ‘जेनजी’ (तन्नेरी पुस्ता) को स्वतःस्फूर्त आन्दोलनले नेपाली राजनीति र सत्ताको चित्रलाई सदाका लागि फेरिदियो। सामाजिक सञ्जालमाथिको प्रतिबन्ध र ‘नेपो बेबी’ (नेताका सन्तानको विलासी जीवनशैली) विरुद्ध चर्किएको आक्रोशले मात्र २७ घण्टाभित्र सिंहदरबारलगायत मुलुकका प्रमुख प्रशासनिक केन्द्र, सर्वोच्च अदालत, संसद् भवन र शीतल निवाससम्म आगजनी गरी विध्वंस मच्चाइयो ।

भदौ २३ र २४ को त्यो अकल्पनीय विध्वंस, ७२ भन्दा बढी नागरिकको शहादत र १०० खर्बभन्दा बढीको भौतिक क्षतिपछि मुलुकले नयाँ मोड लिएको पनि आज ठिक एक वर्ष पूरा भएको छ। यस अवधिमा पूर्वप्रधानन्यायाधीश सुशीला कार्कीको नेतृत्वमा अन्तरिम सरकार गठन, प्रतिनिधि सभा विघटन, फागुन २१ को ऐतिहासिक आमनिर्वाचन र बालेन्द्र शाह (बालेन) को नेतृत्वमा दुई-तिहाइ बहुमतसहितको नयाँ सरकार गठनजस्ता युगान्तकारी घटनाक्रम विकसित भए।