सुकुमबासीहरूलाई भोकमरीतर्फ धकेलिएको आराेप, फौजदारी अनुसन्धानको माग

काठमाडौँ। काठमाडाैँका विभिन्न होल्डिङ्ग सेन्टरमा ७० दिनभन्दा बढी समयदेखि आश्रय लिइरहेका सुकुमबासीहरूमाथि अमानवीय व्यवहार भएको भन्दै मानवअधिकार रक्षक तथा नागरिक अभियन्ताहरूले सरकारको ध्यानाकर्षण गराएका छन्।

बुधबार एक संयुक्त 'जरुरी अपिल' जारी गर्दै ३७ जना अधिकारकर्मीहरूले होल्डिङ्ग सेन्टरमा रहेका पीडितहरूलाई त्यहाँबाट हट्न अल्टिमेटम दिने, धाकधम्की दिने र भोकमरीको जोखिममा धकेल्ने कार्य भइरहेको भन्दै त्यसको कडा निन्दा गरेका हुन्।