नेपाली दूतावास र एनआरएनएको सक्रियता: कम्बोडियामा नेपालको छवि बदल्दै स्वास्थ्य कूटनीति र सुरक्षा सहकार्य

काठमाडौँ । पछिल्ला वर्षहरूमा अनलाइन ठगी र मानव बेचबिखनका केही घटनाका कारण कम्बोडियामा नेपाली समुदायमाथि परेको नकारात्मक प्रभावलाई चिर्न नेपाली दूतावास र गैरआवासीय नेपाली संघ (एनआरएनए) कम्बोडिया सक्रिय भएका छन् । दुवै पक्षको संयुक्त सक्रियताले कम्बोडियामा नेपालको सकारात्मक पहिचानलाई नयाँ उचाइमा पुर्‍याएको छ ।

यस क्रममा एकातर्फ साइबर अपराध र मानव बेचबिखन नियन्त्रणमा सरकारी स्तरमा कूटनीतिक समझदारी भएको छ भने अर्कोतर्फ बृहत् मानवीय सेवामार्फत स्वास्थ्य कूटनीतिलाई बलियो बनाइएको छ ।