सिटिजन्स बैंकले २ अर्बको प्रिफरेन्स सेयर जारी गर्ने, विशेष साधारणसभाबाट प्रस्ताव पारित

काठमाडौं- सिटिजन्स बैंक इन्टरनेशनल लिमिटेडले आफ्नो पूँजी आधार थप सुदृढ बनाउन २ अर्ब रुपैयाँ बराबरको अविमोच्य असञ्चिती अग्राधिकार (प्रिफरेन्स) सेयर जारी गर्ने भएको छ।

बैंकका अध्यक्ष प्रवलजंग पाण्डेको अध्यक्षतामा सम्पन्न आठौं विशेष साधारणसभाले उक्त प्रस्ताव पारित गरेको हो। बैंकले व्यवसाय विस्तार, जोखिम वहन क्षमता अभिवृद्धि तथा नियामकीय पूँजी आधारलाई थप बलियो बनाउन प्रिफरेन्स सेयर निष्काशन आवश्यक रहेको निष्कर्ष निकालेको जनाएको छ।