सांसद बरालको प्रश्न : चिकित्सा शिक्षा आयोगको बैठकमा अवैध सहभागिता किन?

प्रतिनिधिसभा सदस्य गुरु प्रसाद बरालले राष्ट्रिय चिकित्सा शिक्षा आयोगको बैठकमा कानुनले नचिनेको व्यक्तिलाई सहभागी गराएको भन्दै सरकारको ध्यानाकर्षण गराएका छन्।

बुधबार प्रतिनिधिसभाको बैठकमा बोल्दै बरालले प्रधानमन्त्रीको अध्यक्षतामा बसेको राष्ट्रिय चिकित्सा शिक्षा आयोगको बैठकमा आयोगको उपाध्यक्ष पद रिक्त रहेकै अवस्थामा बाहिरका व्यक्तिलाई उपाध्यक्षको हैसियतमा सहभागी गराइएको बताए।