नागरिक एपमा ‘फेस भेरिफिकेसन’ प्रविधि, अब केही सेकेन्डमै घरबाटै पेन्सन प्रमाणीकरण

काठमाडौं । प्रिक्सा कम्पनीअन्तर्गत सञ्चालित ‘थर्ड फ्याक्टर एआई’ले विकास गरेको अत्याधुनिक डिजिटल परिचय प्रमाणीकरण (आईडी भेरिफिकेसन) प्रविधि अब नेपाल सरकारको ‘नागरिक एप’सँग एकीकृत गरिएको छ । यसअघि यो प्रणाली केवल निवृत्तिभरण (पेन्सन) व्यवस्थापन कार्यालयको डिजिटल पेन्सन प्रमाणीकरण सेवामा सीमित थियो ।

यस प्रविधि लागू हुनुअघि पेन्सन प्राप्त गर्ने नागरिकहरूले प्रत्येक छ महिनामा आफू जीवित रहेको प्रमाणित गर्न अनिवार्य रूपमा बैंकको शाखामा स्वयं उपस्थित हुनुपर्ने व्यवस्था थियो । तर, डिजिटल प्रमाणीकरण प्रणाली कार्यान्वयन भएपछि तीन लाखभन्दा बढी पेन्सनरले बैंक धाउनुपर्ने झन्झटबाट मुक्ति पाएका छन् ।