पशुपति क्षेत्र विकास कोषको गुरुयोजनाको मारमा स्थानीय : तिलगंगाका विस्थापित विगत ४५ दिनदेखि धर्नामा

काठमाडौँ । पशुपति क्षेत्र विकास कोषको गुरुयोजना कार्यान्वयन गर्ने नाममा सरकारले आफूहरूमाथि घोर अन्याय गरेको भन्दै तिलगंगा क्षेत्र (ब्लक बी १३) का पीडितहरू विगत ४५ दिनदेखि लगातार धर्नामा बसेका छन्।

सरकारले गत वैशाख १८ र १९ गते तिलगंगा क्षेत्रमा लामो समयदेखि बसोबास गर्दै आएका नागरिकका घरटहराहरू भत्काइदिएको थियो। आफूहरू सुकुम्बासी नभए पनि सरकारले सुकुम्बासीलाई जस्तै व्यवहार गरेर उठिबास लगाएको र मौलिक अधिकार हनन गरेको आरोप लगाउँदै उनीहरू गौशालास्थित पशुपति क्षेत्र विकास कोषको मुख्य गेट अगाडि धर्ना दिइरहेका छन्।