डोजरसहित मैदानमा सिस्ने गाउँपालिका, अतिक्रमित संरचना भत्काउन थाल्यो

रुकुमपूर्व : रुकुमपूर्वको सिस्ने गाउँपालिकाले सार्वजनिक सडक तथा पुष्पलाल (मध्यपहाडी) राजमार्ग क्षेत्र अतिक्रमण गरेर निर्माण गरिएका संरचना हटाउन डोजर अभियान सञ्चालन गरेको छ ।

गाउँपालिकाको वडा नम्बर ५ र ६ अन्तर्गत पर्ने कैचिमोड, कमलदहलगायत क्षेत्रमा सडक मिचेर निर्माण गरिएका घरटहरा, व्यावसायिक तथा अस्थायी संरचनामाथि शुक्रबारबाट डोजर चलाइएको हो । पुष्पलाल (मध्यपहाडी) राजमार्ग अन्तर्गत पर्ने सडक क्षेत्र अतिक्रमणका कारण सडक साँघुरो हुनुका साथै यातायात सञ्चालन, राजमार्ग विस्तार तथा सार्वजनिक सुरक्षामा समस्या उत्पन्न हुँदै आएको थियो । स्थानीय तहले यसअघि सार्वजनिक सूचना जारी गर्दै सडक क्षेत्र खाली गर्न आग्रह गरेको थियो ।