नेपाल टेलिकमका कर्मचारीद्वारा विपद् राहत कोषमा २ करोड २ लाख सहयोग

काठमाडौं- रसुवाको भोटेकोशी नदीमा आएको विनाशकारी बाढीबाट प्रभावित नागरिकको राहत, उद्धार तथा पुनःस्थापनाका लागि नेपाल टेलिकमका कर्मचारीहरूले प्रधानमन्त्री दैवी प्रकोप उद्धार कोषमा २ करोड २ लाख २६ हजार ६६ रुपैयाँ सहयोग गरेका छन्।

गत २०८३ भदौ १० गते भोटेकोशी नदीमा आएको बाढीबाट रसुवा, नुवाकोट, धादिङ, चितवन, गोरखालगायत विभिन्न जिल्लामा ठूलो जनधनको क्षति भएको थियो। विपद्बाट प्रभावित नागरिकलाई राहत तथा पुनःस्थापनामा सहयोग पुर्‍याउने उद्देश्यले नेपाल टेलिकममा कार्यरत सम्पूर्ण कर्मचारीको तर्फबाट उक्त रकम संकलन गरिएको हो।