२४ गतेको आन्दोलन कसले हाइज्याक गर्‍यो, छानबिन हुनुपर्छ : सांसद पार्वती बिक

प्रतिनिधिसभा सदस्य पार्वती बिकले गत भदौ २३ र २४ गते भएको जेनजी आन्दोलनका घटनाको गम्भीर समीक्षा गर्दै २४ गतेको आन्दोलन कसले र किन हाइज्याक गर्‍यो भन्ने प्रश्न उठाएकी छन्।

प्रतिनिधिसभाको बैठकमा बोल्दै उनले भदौ २३ गतेको आन्दोलन वास्तविक जेनजी युवाहरूको आन्दोलन भएको बताएकी हुन्। जेनजीहरुले साना तथा जायज माग लिएर सडकमा आएको भए पनि भदौ २४ गते आन्दोलनले अर्कै रूप लिएको उनको भनाइ छ।