मध्य पूर्वको बढ्दो तनावप्रति भारतद्वारा चिन्ता व्यक्त, कूटनीतिक संवादमा फर्कन अपिल

काठमाडौँ । मध्य पूर्वमा हालैका दिनहरूमा भएका आक्रमण र बढ्दो तनावप्रति भारतीय विदेश मन्त्रालयले गम्भीर चिन्ता व्यक्त गरेको छ । मन्त्रालयले बुधबार एक लिखित वक्तव्य जारी गर्दै यस क्षेत्रको संवेदनशीलताप्रति ध्यानाकर्षण गराएको हो ।

भारतले यस क्षेत्रका अन्तर्राष्ट्रिय समुद्री मार्गहरूबाट आवतजावत गर्ने व्यावसायिक जहाजहरूलाई पुनः निसाना बनाइनुले तनाव बढाएको जनाएको छ । विदेश मन्त्रालयका अनुसार यस्ता गतिविधिहरूले यस क्षेत्रको शान्ति, सुरक्षा र स्थिरतालाई ठुलो नोक्सानी पुर्‍याउन सक्छन् ।