सभामुखले आफ्नो पूर्वपार्टीसँगको नाभी अझै काट्न सक्नुभएको छैन : यादव

काठमाडौँ । नेपाली कांग्रेसका सांसद चन्द्रमोहन यादवले प्रधानमन्त्रीको पछिल्लो अभिव्यक्ति र सभामुखको भूमिकालाई लिएर प्रतिनिधि सभामा कडा आपत्ति जनाएका छन्। बुधबारको प्रतिनिधि सभा बैठकमा विशेष समय लिएर बोल्दै सांसद यादवले संसद्को गरिमा र राष्ट्रियताका सवालमा गम्भीर प्रश्न उठाएका हुन्।

उनले सभामुखको निष्पक्षतामाथि नै प्रश्न उठाउँदै उनले आफ्नो पूर्वपार्टीसँगको सम्बन्ध अझै त्याग्न नसकेको आरोप लगाए। सदनको साझा अभिभावकका रूपमा सबै दल र सांसदहरूलाई समान व्यवहार गर्नुपर्नेमा सभामुखको भूमिका निकै संकुचित देखिएको उनको तर्क थियो।