त्रिवि क्रिकेट मैदान जलाउन पुगेको थियो अराजक भीड, यसरी जोगियो

२४ भदौ, काठमाडौं । काठमाडौंका सडकहरूमा आक्रोशको ज्वाला दन्किरहेको थियो । भदौ २३ गते ‘जेन-जी’ समूहले सुरु गरेको सामान्य आन्दोलन त्यही दिन भयावह बनेको थियो।

भोलिपल्ट २४ गतेसम्म आइपुग्दा नियन्त्रणबाहिर गएर उग्र र अराजक रूप लिइसकेको थियो । सरकारी कार्यालयहरू धुवाँको बादलमा हराइरहेका थिए, सार्वजनिक संरचनाहरू भत्काइँदै थिए र नेता-कार्यकर्ताका घरहरूमा आगजनी भइरहेको थियो ।