‘पैसा लिएर फर्किन्छु भन्थे, अहिले फोनसमेत आएको छैन’

२४ भदौ, कञ्चनपुर । रेखा रानाको हातमा मोबाइल छुट्दैन । तर मोबाइल बज्ने बित्तिकै उनी झस्किन्छिन् ।रसुवाबाट श्रीमानको फोन आयो कि ? भनेर स्क्रिन हेर्छिन् । तर फोन अरूकै हुन्छ ।

रेखाका श्रीमान् कालुरामको फोन नआएको दुई हप्ता बितिसक्यो । दिनमा दुई/तीन पटक फोन गर्ने श्रीमान्ले एकपटक पनि फोन नगर्दा मनमा अनेक कुरा खेल्ने गरेको रेखा बताउँछिन् । उनी भन्छिन्, ‘कहिले श्रीमान् सकुशल फर्केर आउनुहुन्छ जस्तो लाग्छ, कहिले अनिष्टको डरले मुटु भारी हुन्छ ।’