बर्ड फ्लुको जोखिमबीच सीमाबाट कुखुरा तस्करी तीव्र, सुरक्षा निगरानीमाथि प्रश्न

नेपालमा बर्ड फ्लुको संक्रमणको जोखिम बढिरहेका बेला भारतसँग सीमा जोडिएका रौतहट र सर्लाहीका विभिन्न नाकाबाट तयारी कुखुरा तथा चल्लाको तस्करी व्यापक मात्रामा भइरहेको व्यवसायीहरूले आरोप लगाएका छन्।

संक्रमण नियन्त्रणका लागि सरकारले भारतबाट कुखुरा तथा कुखुराजन्य वस्तुको आयातमा निकै कडाइ गर्न सुरक्षा निकायलाइ निर्देशन जारी गरिरहेका बेला खुला सीमाबाट भइरहेको तस्करीले पशु तथा जनस्वास्थ्यमा थप जोखिम निम्त्याएको भन्दै व्यवसायीहरूले तत्काल नियन्त्रणको माग गरेका छन्।