ग्यास संकटमा मन्त्रीको आक्रोश: ‘हात जोड्दा पनि उद्योगीले टेरेनन्’

काठमाडौं । उद्योग, वाणिज्य तथा आपूर्तिमन्त्री गौरीकुमारी यादवले बजारमा देखिएको ग्यास अभावप्रति सरकार गम्भीर रहेको बताउँदै उद्योगी र कर्मचारीतन्त्रको कार्यशैलीप्रति कडा असन्तुष्टि जनाएकी छन् ।

बुधबार बसेको संसदीय समितिको बैठकमा मन्त्री यादवले ग्यास आपूर्ति सहज बनाउन आफूले उद्योगीहरूसँग पटक–पटक आग्रह गरे पनि अपेक्षित सुधार हुन नसकेको बताइन् । उद्योगीलाई ग्यासको आपूर्ति सहज बनाउन हात जोडेर आग्रह गर्दासमेत समस्या समाधान नभएको उनको गुनासो थियो।