चांगान अटो अब क्रिस्टियानो रोनाल्डोको टिमको ग्लोबल पार्टनर

काठमाडौं । गत शुक्रबार लिस्बनस्थित सिदाद दो फुटेबलमा चांगान अटोमोबाइलले एउटा यस्तो कदम चाल्यो जसको सम्बन्ध अटोमोबाइलसँग थिएन । चिनियाँ अटोमोबाइल दिग्गजले पोर्चुगिज फुटबल फेडेरेसनसँग एउटा ऐतिहासिक रणनीतिक साझेदारी घोषणा गरेर पोर्चुगिज राष्ट्रिय फुटबल टिमको अफिसियल ग्लोबल पार्टनर बन्यो । त्यो सोही टिम हो जसमा विश्व प्रसिद्ध रोनाल्डो, ब्रुनो फर्नान्डेज, बर्नार्डो सिल्भा, जोआओ फेलिक्स र राफेल लियाओको जस्ता फुटबलर छन् ।

चांगानको यो साझेदारी उसको ‘भास्ट ओसन प्लान’ रणनीतिको एउटा महत्त्वपूर्ण कदमका रूपमा सार्वजनिक गरिएको हो, जसको उद्देश्य खेलकुद, प्रविधि र जीवनशैलीसँग सम्बन्धित मार्केटिंगमार्फत ब्रान्डको अन्तर्राष्ट्रिय उपस्थिति बलियो बनाउनु हो ।