लेटाङलाई हराउँदै सेमिफाइनलमा पुलिस

विराटनगर। साबिक विजेता लेटाङ फुटबल क्लबलाई टाइब्रेकरमा पराजित गर्दै कोसी प्रदेश प्रहरी कार्यालय विराटनगर छैटौँ संस्करणको मिल्स गोल्डकप फुटबल प्रतियोगिताको सेमिफाइनलमा प्रवेश गरेको छ।

विराटनगर जुटमिल मैदानमा आइतबार भएको खेलमा पुलिसले लेटाङलाई ४-३ गोल अन्तरले स्तब्ध बनायो। निर्धारित समयको खेल १-१ गोलको बराबरीमा सकिएपछि जितको छिनोफानो टाइब्रेकरबाट गरिएको हो।