अवैध उत्खननको आरोप-प्रत्यारोप, प्रशासन भन्छ- कैफियत हुनसक्छ

विराटनगर । निर्माणाधीन एसियन हाइवे झापा खण्डमा क्रसर उद्योगहरुले अवैध उत्खनन् गरेको भन्दै स्थानीयले गुनासो गरेका छन् । यो राजमार्ग निर्माणका लागि आवश्यक नदीजन्य सामग्री (ढुङ्गा, गिट्टी, बालुवा) उत्खननका क्रममा व्यापक अनियमितता र वातावरणीय मापदण्डको उल्लङ्घन भएको स्थानीय बताउँछन् ।

स्थानीय बासिन्दाहरूले निर्माणको बहानामा खोलाहरूको अवैध दोहन भइरहेको र यसले बस्ती नै जोखिममा पारेको आरोप लगाएका छन् । अर्कोतर्फ, जनप्रतिनिधि र प्रशासन भने अनुगमनका क्रममा त्यस्तो कुनै कैफियत नभेटिएको भन्दै पन्छिएका छन् । सरकारी अधिकारीहरू नै ‘सेटिङ’मा रहेको स्थानीयको आरोप छ ।