हिरासतबाट बाहिरिएपछि सेफ सन्तोषले भने: चेक २ करोड २५ लाखको होइन, ४ लाख ५० हजारको

बिबिसी मास्टरसेफका प्रतिस्पर्धी तथा चर्चित नेपाली सेफ सन्तोष साहले आफ्नो पक्राउ प्रकरणलाई लिएर सञ्चारमाध्यम र सामाजिक सञ्जालमा आएका कतिपय विवरण तथ्यभन्दा बाहिर रहेको बताएका छन्।

बुधबार आयोजित पत्रकार सम्मेलनमा बोल्दै साहले आफूविरुद्ध भएको कारबाही कानुनी प्रक्रिया र समयसीमाको सन्दर्भमा प्रश्न उठाउँदै जिल्ला अदालत काठमाडौंको फैसलाविरुद्ध उच्च अदालत जाने तयारी भइरहेका बेला हदम्याद बाँकी हुँदाहुँदै पक्राउ गरिएको दाबी गरे।