आधुनिक शैलीमा देखिइन् दीपिका, ‘रामायण’की सीतालाई देखेर फ्यानहरू भावुक

धार्मिक सिरियल ‘रामायण’ मा सीताको भूमिकाले परिचित बनेकी अभिनेत्री दीपिका चिखलिया लामो समयपछि सार्वजनिक रूपमा देखिएकी छिन्। उनको उपस्थिति देख्नासाथ फ्यानहरूले आज पनि उनलाई ‘सीता माता’ कै रूपमा सम्मान व्यक्त गरेका छन्।

हालै सार्वजनिक भएको एक भिडियोमा दीपिका आधुनिक पहिरनमा देखिएकी छन्। उनी जिन्स, सेतो सर्ट र कालो चश्मामा सहज शैलीमा देखिए पनि दर्शकहरूले उनलाई पुरानै ‘सीता’ को छविसँग जोडेर प्रतिक्रिया दिएका छन्। भिडियोमा उनलाई देख्नेबित्तिकै धेरै प्रशंसकहरूले हात जोडेर अभिवादन गरेका थिए। सो अवसरमा दीपिकाले पनि मुस्कुराउँदै ‘जय श्री राम’ भन्दै प्रतिक्रिया दिएको देखिन्छ।